Shkodran Veseli - Intervista

Exclusive : Intervistë me Azem Maksutaj

Gjatë turneut të 10-të me "Adem Jashari" zhvilluam një intervistë me kikboksierin tonë të mirënjohur Azem Maksutaj.

Albanian Boxing.com - Zotëri Maksutja mirë se erdhët në Kosovë.
Azem Maksutaj - Mirë se ju gjejë, është kënaqësi të jesh në vendlindje.

A. B - Jeni pjesë e këshillit organizativ për turneun Adem Jashari i përzgjedhur nga Federata e Boksit të Kosovës.
A. M - Po, më kanë ftuar, dhe me plot dëshirë e kam pranuar. Është kënaqësi të jap kontribut, në kësi lloj evenimenti.

A. B - Azem, çka jeni duke punuar?
A. M - Jam organizator i një evinimenti të kick-boxit që do të mbahet javën tjetër me 9 Dhjetor në Zvicër.

A. B - Çfarë janë aspiratat tuaja për të ardhmen?
A. M - Dua që të fitoj titullin e kampionit botërorë për herë të 15-të dhe të hyjë në librin e genisit.

A. B - Kur mund të presim paraqitjen tuaj të ardhshme në ring?
A. M - Vitin e ardhshëm, gjithsesi.

A. B - Lexuesit tanë janë sigurisht kureshtar ta dinë vendin se ku do të luftoni, nëse nuk është sekrete?
A. M - Assesi nuk është sekrete! Duelin do ta mbajë në Prishtinë vitin e ardhshëm, dikur gjatë verës. Shqiptarët meritojnë një ngjarje të tillë dhe besoj që do të mbushet stadiumi i Prishtinës dhe do të janë të pranishëm më shumë se 20.000 veta.

A. B - Në turneun Adem Jashari keni sjellur një boksier nga klubi juaj. Cfarë mund të pritet nga ky djalosh?
A. M - Emri i tij është Butrint Shala. Ai la mbresa të mira në këtë turne. Ai humbi në finale por akoma do të mësoj nga boksi.

A. B - Si ju duket organizimi dhe kualiteti i turneut "Adem Jashari"?
A. M - Federata e Boksit të Kosovës ka punuar mjaft dhe të gjithë bashkarisht kemi dhënë kontributin tonë, duke ju përfshirë edhe juvë të cilët po bëni një punë të madhe në zhvillim, informata, dhe poashtu edhe në organizim.

A. B - A keni të shtoni diçka për fund?
A. M - Ju faleminderojë, dhe vetem vazhdoni punën siç jeni duke e bërë.

A. B - Zotri Maksutaj, faleminderit juve.
A. M - Jeni të mirëseardhur gjithëmonë.

SPECIALE: Intervistë me Faruk Shabanin

Boksieri profesionistë Shqiptarë Faruk Shabani flet për AlbanianBoxing dy javë para duelit të madhë kundër Giammario Grassellini.

Me datën 28 Shkurt në Neubrandenburg të Gjermanisë sërish do të paraqitët në Ring boksieri nga Prishtina Faruk (Frank) Shabani i cili do të zhvillon duelin e 18-të profesionistë pranë shikuesve Gjermanë dhe shumë bashkatëdhetarve Shqiptarë që jetojnë atje.

AlbanianBoxing Faruk si e ndjeni vetën para këti dueli shumë të rëndësishëm që ju pret në fund të muajit?

Faruk Shabani Për momentin ndjehem shumë mirë, jamë duke zhvilluar njesitë kryesore të sparingut me një boksier të suksesshëm nga Armenia.

AlbanianBoxing Në cilin kamp i mbani stërvitjet dhe si mund ti cilësoni ato?

Faruk Shabani Aktualisht jemi në kampin e Berlinit, stërvitjet i kam të nivelit të lartë sepse do boksoj 10 raunde dhe dua të demonstroj një performancë excelente për të fituar të drejtë që të luftoj për titullin Europianë EBU.

AlbanianBoxing Sa keni njohuri për kundërshtarin nga italia dhe cila është prognoza juaj?

Faruk Shabani Kundërshtarin faktikisht nuk e kam takuar kurrë, por kemi studiuar duelet e tij në Video me trajnerin timë Otto Ramin dhe jemi të bindur se do të kemi suksesë edhe kësaj radhe. Unë me padurim e pres një luftë për titull, andaj do të sakrifikoj shumë për të bër atë luftë të mundshme.

AlbanianBoxing A keni një mesazh për lexuesit e AlbanianBoxing.com?

Faruk Shabani Po, unë i lus të gjithë bashkatëdhetarët e mi të më përkrahin në sallë, në ring kërkoj gjithmonë zërin e tifozëve dhe jamë shumë i lumtur kur ata gjinden pranë meje dhe shpresoj që ti stolisi ata së shpejti me titullin Europianë e mëpastaj edhe me titullin Botërorë.

Ekskluzive me Elvir Muriqin

Përballja mes Elvir Muriqit dhe Clinton Woods është paraparë që të zhvillohet më 31 janar në Shefild të Anglisë

Boksieri Elvir Muriqi pas një pushimi 1 vjeçar sërish i kthehet ringut edhe atë kundër ish kampionit Clinton Woods. Kjo përballje do të zhvillohet më 31 janar në Shefield të Anglisë, kurse promotor i ndeshjes do jetë “Star Boxing” në krye me Jo Deguardi. Ndryshe, kosovari për këtë takim nga java e ardhshme do të shkojë në kampin e trajnerit Buddy McGirt në Florida ku do të qëndroj shtatë javë.

“Meqin e fundit e kam pasur më 31 janar të këtij viti me Jameel Wilson dhe të njëjtin e kam fituar me nokaut në raundin e katërt. Pas këtij dueli unë skam dal fare në ring, pasi promotori im Jo Deguardi nuk ka mundur të gjej kundershtar për mua, sepse shumica janë friksuar.

Tani ai ka rifilluar bisedimet me ish-kampionin e botës Clinton Woods, ditët e ardhshme pritet edhe zyrtarizmi i marveshjes. Javën e ardhshme do të filloj edhe përgatitjet maksimale në kampin e trajnerit Buddy McGirt në Florida të Amerikës”, pohoi ekskluzivisht për AlbanianBoxing, Elvir Muriqi.

“Kosova Kid” thotë se gjatë pushimit një vjeçar nga ringu, ai fare nuk ka pushuar, pasi gjithnjë ka shpresuar në një përballje. “Nuk kam pushuar pasi ‘Star Boxing’ shpesh më caktonte boksier, por më pas u anulonin për shkaqe të ndryshme. Në kampin në Florida besoj se do të kem sparing partner më të fortë në kategorinë time pasi një gjë e tillë më duhet”, pohoi Muriqi.

Elvir Muriqi aktualisht është boksieri i vetëm shqiptar i ranguar në Top-15 në renditjet botërore. Ai është i 10-ti në WBO, i 12-ti në WBA, i 13-ti në WBC dhe i 14-ti në IBF. “Nëse do të kisha edhe disa ndeshje sivjet unë me siguri se do të isha edhe me lart i ranguar në listën botërore. Por edhe me këtë sukses momentalisht që e kam jam i kënaqur shumë”, pohoi Muriqi.

Ndryshe, “Kosova Kid” pohon se është duke u munduar vazhdimisht të loboj për boksin kosovar, që së shpejti të anëtarësohet në EABA. “Jam i bindur se Kosovën së shpejti do ta shohim në arenën ndërkombëtare, për këtë jam angazhuar disa herë. Në të ardhmen kur të përfundoj karrierën unë dijeninë time do ja përcjelli boksierëve shqiptarë”, pohoi Muriqi, i cili shton se synim i tij në jetë është titulli i botës.

“Çdo boksier kur fillon një karrierë sportive ka një cak të caktuar, prandaj unë dua që gjithë arritjet që i kam bërë deri më tani në boksin profesional ti mbylli me një titull botëror”, pohoi Elvir Muriqi për AlbanianBoxing.

Muriqi bashkëpunon me Hanin dhe Seferin
“Kosova Kid” ka deklaruar se ka bashkëpunim me Nuri Seferin dhe Nasi Hani. Me këtë të fundit, Muriqi thotë se i ka ndihmuar në përballjën e fundit të “Gongut të artë”. “Me Seferin dhe Hanin bisedojmë shpesh herë për boksin, ndërkohë struganit i kam ndihmuar në meqin final të ‘Gongut të artë’ kundër anglezit Baster Woren”.

Muriqi për përballjen Seferi vs. Ali-Durmaz
Boksieri kosovar që jeton dhe vepron në Bronx të New York-ut, thotë se i njeh mirë kualitetet e Nuri Seferit por jo edhe të turkut Durmaz Muhamed Ali, megjithatë është i bindur se Nuriu do të del fitues.

Rekordi Profesional i Elvir Muriqit
39 Luftëra, 35 Fitore (22 KO), 4 Humbje.